Kreu i Vetëvendosjes si dhe kandidati për kryeministër nga kjo parti në zgjedhjet e 14 shkurtit, Albin Kurti, ka përkujtuar vdekjen e heroit kombëtar, Gjergj Kastrioti Skënderbeu, si dhe vrasjen në Gjermani të vëllezërve Jusuf e Bardhosh Gërvalla dhe Kadri Zekës.
Kurti, përmes një postimi në Facebook, shkruan se kujtimin ndaj tyre e bën përmes shkrimtarit të shquar, Ismail Kadare.
“Ne e dinim se ata nuk do të dërgonin më një ekspeditë ndëshkimore si ajo që Gjergji ynë e shpartalloi në Torvioll, por mizërinë e pafundme të ushtrisë më të madhe të botës. Kështjella jonë ishte e para që do të priste dyndjen e tyre. Gjatë gjithë pranverës ne forcuam muret e saj, rindërtuam kullat e dëmtuara, shtuam rezervat e armëve dhe të ushqimeve dhe i stërvitëm ditë e natë të rinjtë për luftë. Më në fund erdhi lajmi që ata ishin nisur”, thotë Kurti, shkruan arbresh.info.
Kurti shprehet se me Kadarenë, përkujtohen edhe vëllezërit Gërvalla e Kadri Zeka, me pjesën nga tregimi i tij “Baladë për vdekjen e J. G.”:
“I kujtoheshin vetëm ca parandjenja të këqija. Por edhe për to nuk ishte e sigurt nëse i kishte dëgjuar diku apo i kishte menduar ajo vetë. Ishte thënë diçka për natën e 17 Janarit. Për 17 Janarin e vitit 1468. Madje, ishte përmendur vdekja: ah, po, një orë më parë e kishte përmendur J. Sot është dita e vdekjes së Skënderbeut. Kështu kishte thënë, duke kthyer kryet nga kalendari ku ishte një pikturë e Degas, një balerinë aq e papërshtatshme për ditën e mbarimit të kryezotit mesjetar… E megjithatë, tani i dukej se pikërisht ajo balerinë i sulej nga grumbujt e borës ndanë rrugës, drejt dritares së veshur të taksisë, si për t’i kumtuar diçka. Diçka që ngjante herë si shpresë e dhimbshme, herë si një hare misterioze”, shprehet Kurti./arbresh.info/
Postimi i plotë:
Haradinaj dekoron Medën me medaljen “Me besim në Zot, Atdhe ...
Trajnimi nga ICITAP, Hoxha: AMP-së, mbështetje për të forcua...
Po bënin gara me vetura, gjobitën dy shoferë në Vushtrri – u...
Claudio Bravo edhe pse i pensionuar i gatshëm të rikthehet t...
Vitia dhe Shefja e Zyrës së UNICEF-it në Kosovë flasin rreth...
AGK: Numri i sulmeve ndaj gazetarëve në vitin 2023 është rri...